Марий Элысе «Содействие занятости населения на 2023-2025 годы» кугыжаныш программе почеш 317 пашадыме еҥым вес специальностьлан тунемаш колтымо.
Ончыч паша рынкыште кӱлешан профессий-влакым рашемдыме, варажым тунемме курсым чумырымо. Еҥ-влак бухгалтерлан, трактористлан, автомобиль ден погрузчикын водительыштлан, электросварщиклан, портнойлан, поварлан, котельный операторлан, парикмахерлан, охранниклан, ЭВ ден ВМ операторлан, закупко шотышто специалистлан да молыланат тунемыныт.