Козьмодемьянск оласе А.Я.Эшпай лÿмеш йоча сымыктыш школышто «Культура» нацпроект почеш капитально олмыктымо паша мучаш деке лишемеш.
Паша бригаде кÿварым шарен, окнам вашталтен, электровоштырым уэмден, пырдыжым тöремден. Лишыл жапыште леведышым пыштен шуктат.
Козьмодемьянск олан мэрже Михаил Козлов Марий Эл Республик вуйлатышын жаплан сомылжым шуктышо Юрий Зайцевлан ешартыш шийвундо дене полшымыжлан тауштен. Тиде окса дене у оборудований ден мебельым налыныт.