«Тошто илыш-йӱла семын» лӱман ончер

Интернет гыч налме фото-влакым кучылтмо.

28 февральыште Йошкар-Оласе калык прикладной сымыктыш тоштерыште Фелония Шестакован «Тошты овуцавлӓ семӹнь»  («Тошто илыш-йӱла семын») ончерже почылтын. Экспозиций кидмастарын лӱмгечыжлан пӧлеклалтын.

Фелония Николаевна Шестакова — тӱрлӧ кӱкшытан фестиваль, ончер, конкурс-влакын участникше. Тудо калык тӱвырам аралыме да калык коклаш шарыме суапшылан «Калыклан служитлымаш.  Сергей Чавайнлан — 125 ий» шарнымаш медаль дене палемдалтын.

Фелония Николаевна ончерышке шке коллекцийже гыч тӱрлӧ  вуйчиемым, ӱштым, сӱан солыкым да молымат луктын. Чыла экспонатыште курыкмарий тошто орнаментан  тӱрым кучылтын.

Экспозиций годым семинар-практикум, йыргешке ӱстел да мастер-класс-влак эртат.