Эртыше кечылаште Марий Элым Вуйлатыше Ю.Зайцев Йошкар-Олаште 363 еҥлан у пачер деч сравочым кучыктен. Шуко пачашан пӧрт оласе «Мирный» микрорайонышто верланен.
Ты сомыл республикысе «Переселение граждан из аварийного жилищного фонда» программе почеш шукталтеш. 2022 ийыште 34,6 тӱжем квадрат метр аварийный пӧрт-влакым пужымо, 2663 еҥым у верыш илаш кусарыме. Программын пашам шукташ тӱҥалмыж годсек 4367 еҥ у илеман лийын. 2023 ийыште 2893 еҥлан пачерым пуаш палемдыме.