Кодшо кечылаште Параньга посёлкышто музейно-выставочный рӱдер пашам ышташ тӱҥалын. Тидын марте тудым ачаленыт.
Районысо тоштерым эше 1991 ийыште почмо лийын. Оралтын шӱкшӧ улмыжлан кӧра 1998 ийыште тудым петырыме. 2008 ийыште Параньга кыдалаш школыш кусарыме.
Марий Элым Вуйлатыше Ю.Зайцев тоштерын оралтыжым ачалаш, шотыш кондаш манын, оксам ойырен. Тыге тений тудым тӧрлаш тӱҥалме. Пырдыжым чиялтыме, окналашке кӱртньӧ решоткам вераҥдыме, пожар да оролымо сигнализацийлам чӱктымӧ да моло пашам шуктымо.
Таче у пӧлемыште тоштерын экспозиционный залжым почмо. Тушто ныл пӧлкам (этнографий, боевой чап, совет годсо жап, СВО-лан пӧлеклаштше экспозиций) ыштыме.
