Марий Эл Республикын тӱвыра, печать да калык-влакын пашашт шотышто министерствыже ден Т.Евсеев лӱмеш Национальный тоштер регионысо тоштер да тусо пашаеҥ-влаклан конкурсым увертарат.
Конкурс кок этап дене эртаралтеш: заочный (18 май марте) да очный (май-октябрь). Комиссийын членже-влак тоштер але тысе пашаеҥ-шамычын пашаштым ончыч презентаций йӧн дене аклат, вара республикысе тоштерлаш лектын коштыт. Сеҥыше-влакым икмыняр тӱшка дене ойырат, нунын лӱмышт «Тӱвыраште у» регионысо форум годым пале лиеш.
Конкурсыш ушнымо нерген йодмашым 18 май марте Т.Евсеев лӱмеш Национальный тоштерыш пуыман.