16 февральыште Т.Евсеев лӱмеш калыкле тоштерын тӱҥ корпусыштыжо «Марийский костюм» тоштер программе эртаралтын.
Тиде мероприятий Республикысе тӱвыра учреждений-влакын специалистше-влаклан эртарыме семинар-практикум кышкарыште ыштартын.
Семинарын участникше-влак «Тимофей Евсеев. Призвание» ончер негызеш тӱрлӧ марий-влакын чиемыштын ойыртемышт дене палыме лийыныт.
Программым колыштшо-влаклан Российысе этнографий тоштер гыч кондымо экспонат – марий тӱрын образецше-влак — посна келшен. 1925–1926 ийлаште Тимофей Евсеев Марий автоном областьын Морко кантоныш пурышо Азъял ялысе мастар ӱдырамаш-влаклан ик солыкыш тӱрлӧ тӱрым тӱрлаш йодын улмаш.