Тошкемшудо (спорыш птичий) пагар-шоло корно, мокш, шекшкалта черым эмлаш полша. Ик кугу совла шудо ӱмбак пеллитр шокшо вӱдым темыман, 10 минут шолтыман. Лемым пел стакан дене кечеш 3-4 гана йӱман.
Ӱдырамаш чер, вӱрыштӧ кӱртньӧ ситыдыме анемий годым термосыш 3-4 кугу совла шудым пыштыман да пеллитр шокшо вӱдым темыман, ныл шагат шинчыктыман. Ямде лемым пел стакан дене кечеш ныл гана кочмо деч пел шагат ончыч йӱман.