2009-2019 ийлаште Россий телевидений цифровой технологийыш куснен. Элыштына илыше 98,4 процент еҥ 20 телеканалым оксам тӱлыде ончен кертеш. Кодшо 1,6 процент еҥ тораште верланыше 12 тӱжем ялыште (800 тӱжем наре еш) ила, тушто спутниковый телесигнал гына куча. Нунылан кузе лийман? Тидын нерген Россий телерадиосетьын Марий Эл Республикысе филиалжын директоржын полышкалышыже Елена Загайнова умылтара:
– Спутниковый оператор тыгай еҥ-влаклан договорым ышташ тореш лийшаш огыл. Тидын нерген «О связи» федеральный законын 46-шо статьяштыже (2003 ий 7 июльышто лектын, 2018 ий 27 декабрьыште редактироватлыме) каласыме. Операторын тыгак нунылан обязательный общедоступный телеканал-влакым ончымылан оксам тӱлыкташ праваже уке. Льготан тарифыш ушнымылан гына ик гана тӱлыктен кертеш.
Цифровой сигналым кучыдымо верлаште 20 каналым абонентский плате деч посна кузе чӱкташ лийме шотышто икмыняр ой-каҥашым шотыш налза:
Рашемдыза: тендан илыме верда торасе льготный кундемлан шотлалтеш але уке.
Тыгай населённый пункт-влак спискым Российысе цифровой вияҥмаш, кыл да массовый коммуникаций министерствын сайтыштыже «Переход на цифровое вещание» ужашыште (https://digital.gov.ru/ru/activity/directions/376/) савыктыме. Тушко Марий Элысе 86 ялым пуртымо. Кажне населённый пунктлан 3-5 спутниковый оператор дене ончыктымо, нунын тора яллаште тыгай услугым пуаш технический йӧнышт уло.
Населённый пунктдан тиде спискыш логалмым але укем ял але район администрацийыштат рашемден кертыда.
Умбакыже 2022 ий 14 январьысе газетыште.Кевыт