2022 ийын символжо – шем але ошалге канде тигр.
Китай календарь почеш Тигрын идалыкше 2022 ий 1 февраль гыч 2023 ий 21 январь марте шуйна. Нине кече-влак тылзе циклым ончен вашталтыт.
Тигр конкуренцийым огеш чыте, хищник да шочынак сонарзе улеш. Сандене У ий ӱстембалне обязательно темаш ситыше кочкышан, чылажымат моторын да тӱрлӧ семын сӧрастарыман.
Ӱстел сий
Чыла тигр шылым йӧрата, сандене ӱстембалне тудо шуко лийшаш. Тыгодым у 2022 ийым вашлияш лӱйымӧ янлыкын шылжым ямдылыман огыл. Гарнирлан шӱраш келшен ок тол, тудым пареҥге але пакчасаска дене вашталтыза. Тӱҥ кочкышлан колым да морепродуктым ышташ шотлан толеш. Корейыште тигрын шылже деликатеслан шотлалтеш, но тиде пайремлан огыл. Приправан, соусан сий, газан да шипучкан йӱыш огыт йӧрӧ. Тигр шуко шере кочкышым ок йӧрате, но манго але ананас дене сийлалташ ямде. Емыж-саскат путырак сай лиеш.