Марий Элым Вуйлатыше Ю.Зайцев Антитеррористический комиссийын заседанийжым эртарен.
Тушто палемдыме: регионышто ситуацийым эскераш кӱлешан мера-влакым шке жапыште шуктыман; лӱдыкшӧ лектын кертме годым формализм да шаблон деч кораҥман.
«Мемнан задачына – террорист-влакын лӱдыктымышт ваштареш кучылтмо системым уэмдаш, чыла социальный, инфраструктур объектым кӱлеш семын аралаш йӧным ышташ», – каласен Юрий Зайцев.
Тудын мутшо почеш, кызыт информаций шотышто лӱдыкшылан кугу тӱткышым ойырыман, вет шоя увер-влак чӱчкыдын вашлиялтыт.