2024 ийыште Йошкар-Оласе кудывече-влакым шотыш кондаш 150 миллион теҥгем ойырымо. Кеҥеж мучко рӱдолан кудывечылаштыже кугу паша ышталтын. Марий Эл Республикым Вуйлатыше Юрий Зайцевын кӱштымыж почеш инфраструктур ден моло проект-влакым шуктен шогымым эскераш Мер контроль вияҥын.
Йошкар-Оласе Петров уремысе 20-шо №-ан пӧртын кудывечыштыже паша писын шукталтше режим почеш ышталтеш. Тыгодым тротуар, парк ден корно-влакым шотыш конден шуктышаш улыт. 4 сентябрьыште Йошкар-Оласе Общественный контрольын еҥже Сергей Канашин тушко миен да подрядчик ден тушто илыше-влак дене вашлийын кутырен.