Тургыжланаш йӧратет?
Тунемше-влакын кумшо чырыкышт шеҥгелан кодо. Ончылно – тенийысе тунемме идалыкын пытартыш чырыкше. Икшыве-влак идалыкаш отметке-влак шотышто чӱчкыдын тургыжланат. Лӱдыкшӧ, тургыжланымаш койыш озалана але укем палаш манын, тестым эртен ончаш темлена. Тидлан пытартыш жапыште шке койыш-шоктышышто иктаж-могай вашталтышым шижында але укем шарналташ йодына. Йодыш-влаклан вашмутым пуаш предложенийым тыге тӱҥалза – «Пытартыш жапыште мый…». Мучашыште «да» але «уке» манын палемдыза.
1,4,5,6,9,10,12,13,14,15 йодыш-влаклан «туге» манын вашештеда гын, ик балл ешаралтеш. 2,3,7,11 йодыш-влаклан «уке» манында гын, тыгак ик балл лиеш.
- Пеш вашке ноем.
- Мыйын моло тунемше-влак дене таҥастарымаште тунеммем удажак огыл.
- Шкемым эрыканрак улмемым шижам.
- Вуем чӱчкыдын пӧрдеш, вием уке, укшинчыкта.
- Туныктышо-влак чӱчкыдын замечанийым ыштат.
- Шке виемлан ом ӱшане.
- Лӱдыкшыдымылык шотышто аралтышым шижам.
- Тӱрлӧ нелылык деч шкемым кораҥдаш тыршем.
- Куштылгын нелеш налын але шорташ тӱҥалын кертам.
- Тӱрлӧ конфликт-влак шукемыныт.
- Мӧҥгысӧ пашам ышташ оҥайрак лийын.
- Туныктышо-влакын умылтарымыштым ом умыло.
- Сай огыл ситуаций-влак шотышто чот тургыжланем.
- Мален ом тем.
- Кугурак класслаште икымше туныктышемак туныктыжо ыле манын шонем.
Баллым шотлена:
1-4 балл – йӧршеш гаяк огыда тургыжлане.
5-7 балл – изишак тургыжланеда.
8-10 балл – чот тургыжланеда.
11-15 балл утыжденат тургыжланет.