30 июльышто Марий Элысе спорт да туризм министр Л.Батюкова ден Йошкар-Оласе Олимпийский резерв училищын директоржо Н.Беткузина вияш эфирым эртареныт. Тушто кундемыштына спортын кузе вияҥмыж дене палдареныт.
Эфирыш ушнышо-влак тӱрлӧ йодышым пуэн кертыныт. Тыгодым Йошкар-Олаште петырыме теннисный кортым ыштыме шотышто йодыш шуко еҥым тургыжландарен. Теннис дене тренировко-влак кызыт жаплан келыштаралтше тӱрлӧ верыште эртат. Теннис рӱдерым ыштыме шотышто документаций дене пашам шотыш кондымеке, чоҥымо сомыллан пижыт. Тидлан верымат палемдыме, у рӱдер Йошкар-Оласе Бауман лицей тураште лийшаш.