Май эркын мучашке лишемеш, вашке кеҥеж толеш. Тыге шукын отпускыш каят, канаш тӱҥалыт. Тений кеҥежым кузе эртараш шонеда?
Надежда Крылова, мурызо:
– Мый ола воктене ик ялыште илем. Пакчам кучем: тудат шуко жапым, ӱнарым налеш. Мый телымак шкан планым ыштем. Тений кеҥежым мотор беседкым ышташ, тушко коҥгам опташ шонем. Тидын нерген мый шукертак шонен коштам. Ӱшанем, тений тудо шукталтеш.
Ты беседкыште кеч телым, кеч кеҥежым каналташ да тамле чайым йӱаш лиеш ыле.