22 май – Бассейновый индустрийын кечыже.
Ты кечым шошо гыч кеҥежыш куснымо пагытлан шотлен, лачак тыгай кечым шонен лукмо. Тугеже эҥерыште йӱштылмӧ жап толын шуэш. Южыжо тиде тургымым почынат шуктен. Тидын нерген мом шонеда? Кеҥежым пляжыште чӱчкыдын лийыда мо? Могай эҥер, теҥыз але ер воктене тыланда келша?
Роман МУСАГИТОВ, Пошкырт кундем:
— ОБЖ предметым туныктышо семын каласем: йӱштылмӧ тургымым але почаш эр. Южын температуржо 30 утла шокшо шога гынат, ерлаште да моло вереат вӱд эше ырен шуктен огыл. Пляжыш кеҥежым уло еш дене коштына, тыгодым йӱштылмӧ шотышто правил-влакым шуктена. Тӱн шотышто Ош Виче эҥерыште йӱштылына, Илиш район Анач ял воктеке коштына.
Нине йодышлан мемнан лудшына-влак кузе вашештеныт — газетнан лишыл номерыштыже.