Лӱсыштӧ тӱрлӧ витамин, микроэлемент, эфирный ӱй улыт. Но аскорбиновый кислоталан поснак поян. Тудыжо телым кок пачаш шукемеш. Садлан теле – пӱнчӧ, кож, нулго, кедр лӱсым ямдылаш эн келшыше жап.
Лӱсым калык медициныште спазмым кораҥдыше, вирус ваштареш кучедалше, пӱжвӱдым, шондым лукшо, иммунитетым пеҥгыдемдыше йӧн семын кучылтыт. Тудо шӱм, вӱргорно, вуйдорык черым, астмым эмлаш полша.
Шинча пӱсылыкым саемдаш манын, вич совла лӱсым янда банкыш пыштыман, ӱмбакыже пеллитр шокшо вӱдым темыман. Латкок шагат шинчыктыман да шӱрыман. Лемым ик кугу совла дене кечеш вич гана кочмо деч пел шагат ончыч йӱман. Тыге кум-ныл тылзе эмлалтман.
Лӱсым чай семын йӱаш сай. Ик стакан шокшо вӱдыш ик изи совла лӱсым пыштыман, изиш шинчыктыман. Тыгай чай уло организмым тазаҥдаш полша.
Верге чер годым ик литр вӱдыш вич кугу совла тыгыдемдыме лӱсым да кок кугу совла шоган шӱмым пыштыман, изи тулышто лу минут шолтыман, вара термосышто йӱдвошт кучыман. Эрдене шӱрыман да кечыгут изин-изин йӱман. Тыге кум-ныл тылзе эмлалтман.
Варикоз годым 300 мл шокшо вӱдыш 500 грамм лӱсым пыштыман да пел шагат шинчыктыман. Ямде вартышым варикозан йолыш пыштыман, марле дене пӱтыралман, 15 минут кучыман. Тыгодымак лӱсан лемым йӱман. Ик стакан шокшо вӱдыш ик кугу совла лӱсым пыштыман, 20 минут шолтыман. Тул ӱмбач кораҥдымеке, кум шагат шинчыктыман, шӱрыман, изишак лимон сокым ешарыман. Лемым пел стакан дене кечеш кок гана кочмо деч вара йӱман. Тыге кок арня ыштыман.
Остеохондроз, ревматизм, йыжыҥ корштымо годым лӱсан ванныште кияш пайдале.
Кузе поген ямдылыман?
Укшым самырык пушеҥге гыч пӱчкын налман. Тудым кагаз ӱмбак юж пурыман пӧлемыш шарен опташ сай. Лӱс, кошкымеке, укш гыч шке ойрлен йога. кукшо лӱсым петырыме янда банкыште юалге верыште аралыман. НО икмыняр арня гыч пайдаже кок пачаш шагалемеш. Садлан свежа лусым кучылташ сайрак.
Лӱсым погыза, ондак леве, ваар йӱштӧ вӱлд дене мушса. Вашкӱзӧ дене тыгыдын пӱчкедыза, янда банкыш пыштыза, сакырложаш денге 4,1 кугыт деен варыза. Тыге лусым кум тылзе наре аралаш лиеш.