Аджике
Кӱлыт: 3 кг йошкар помидор, 1 кг йошкар шере пурыс, 2 вуй чеснок, ик кылдыш петрушко, 1 стакан сакыр, 1,5 кугу совла шинчал, 1 стакан нӧшмӱй, 1 изи совла йоҥыштымо тӱрлӧ кочо пурыс, 1 пачке карри приправе, 5-6 кугу совла 9 процентан уксус.
Чыла пакчасаскам мясорубко гоч колтыман. Эн ончыч помидорым шагат наре шолтыман, вара йошкар шере пурысым, чеснокым, петрушкым, сакырым, нӧшмӱйым, шинчалым, йоҥыштымо пурысым, приправым ешарен 25-30 минут шолтыман. Уксусым пыштен, банкылашке оптен, калай петыртыш дене пытырыман. Ик кечылан юалге верыш корандыман.