Марий Элыште улшо федеральный кугорно-влак телылан ямде улыт.
Тушко шаваш 9000 тонн ошман-шинчалан вартышым да 6000 тонн шинчалым ямдылыме. Тыгак жапыштыже корно дефектым кораҥдаш йӱштӧ асфальтобетоным шапашлыме. Телым корнышто тӱрлӧ пашам шукташ 39 технике вуча. Кундемысе корным эскераш 10 метеостанций ден 10 видеокомплекс полшат, чыла техникыште ГЛОНАСС спутник навигацийым вераҥдыме.