Республикна промышленный лӱдыкшыдымылык шотышто 2022-2023 ийласе шыже-теле тургымлан ямде.
Тыге каласен Марий Элым Вуйлатыше Ю.Зайцев Экологический, технологический да атомный надзор шотышто федеральный службын Приволжский управленийжын аппаратшым вуйлатышыже А.Мубаракшинлан. Марий Элыште ты управленийын тергымашыштыже 934 лӱдыкшӧ производственный объект уло. Тений да ӱмаште тушто аварий ден ЧП лийын огытыл.
Вӱдым налме системыласе аварийым кораҥдаш Марий Эл Правительствын резервше гыч 80 млн теҥге ойыралтын. Туддене 10 объектым олмыктымо.
Фотошто: Азат Мубаракшин ден Юрий Зайцев.