19 июльышто Марий Элым Вуйлатыше Ю.Зайцев да «Т Плюс» компанийын гендиректоржо А.Вилесов Теплоэнергетике мультимедийный рӱдерыште лийыныт.
Тушто шыже да теле тургымлан ямдылалтме, тыгак коммунальный инфраструктурым уэмдыме паша нерген мутланеныт.
Тений «Т Плюс» компаний шокшым пуымо инфраструктурым вияҥдыме пашаш 240 млн теҥгем ойыра, тидыже ӱмашсе деч кумшо ужашлан шукырак. Оксам пучым вашталташ, 2-шо №-ан ТЭЦ-м уэмдаш да моло пашам шукташ кучылтыт.
«Т Плюс» ПАО-н Мультимедийный рӱдерже – интерактивный тоштер, тушто кызытсе тепловой электростанцийын пашаж дене палыме лияш, шокшо вӱд кузе толмым пален налаш да шкем инженер пашаште терген ончаш лиеш. Российыште тыгай тоштер икте веле.