Йошкар-Ола да Салехард ола коклаште телекӱвар лийын.
Тушко кок регион гыч тӱвыра да марий мер организаций-влакын еҥышт ушненыт. Телекӱварышке тыгак Марий-влакын Татарстан да Свердловск кундемысе автономийлан вуйлатышышт О.Третьяков ден Л.Канакаев лектыныт.
Шуктен толмо пашаштым каҥашеныт. Салехард оласе «Марий кундем» ансамбльын участникше-влакын выступленийыштым виде йӧн дене ончыктеныт. Марий Элысе тӱвыра рӱдерат тӱрлӧ номер дене куандарен.