Телефон дене пайдаланаш чарыме

Школлаште 1 сентябрь гыч урокышто телефон дене пайдаланаш чарыме нерген Россий Просвещений министерстве указым луктын.

Российысе тунемше-влак кажне арням гимным мурымо да флагым нӧлталме дене тӱҥалыт. Флагым, гербым, флагштокым налаш правительстве 970 млн утла теҥгем ойырен. Кажне шочмын класс шагат патриотизмлан пӧлеклалтеш, «Разговоры о важном» маналтеш. 8-11-ше класслаште тунемше-влаклан Украинысе спецопераций нергенат каласкалат. Школыш але кыдалаш специальный тунемме верыш коштшо инвалид йочам кечылан кок гана яра пукшат.