Йоча да самырык театр-влакын таҥасыме «Театральное Приволжье» фестивальын пытартыш этапше Пермьыште 18 апрельыште эрта.
Эн сай театр постановко-влакым 18-20 апрельыште Перьмын икмыняр площадкыштыже ончыкташ тӱҥалыт. Фестивальыште сеҥыше-влакым суапландарыме церемоний кечын Марий Эл гыч «Цветик-семицветик» постановкым ончыктат.
«Театральное Приволжье» фестивальым иктешлыме пайрем церемонийыш Марий Эл Республик, Татарстан, Оренбург, Самара да Саратов кундемла гыч коллектив-влак мият. Кум кече жапыште Юл кундем федерал округын куд регионыштыжо сеҥыше-влакын спектакльыштым ончыкташ тӱҥалыт.