«Театральное Приволжье» кокымшо фестивальын финалже 27 мартыште лиеш. Сеҥыше-влакым вияш эфирыште ончыктат.
Конкурсыш кажне регион гыч йоча да самырык коллектив-влак ушненыт. Марий Элын чапшым ты гана «Воштончыш» музыкально-драмтеатр ден «Маска» калык самырык театр аралат. Сеҥыше-влакым икмыняр номинацийыште палемдат: «Самырык-влаклан эн сай спектакль», «Эн сай йоча спектакль», «Эн сай режиссёр паша», «Эн сай актёр», «Эн сай актрисе».
«Театральное Приволжье» конкурсышто сеҥыше-влаклан Ижевск олаште апрельыште у спектакльым шындаш грантым пуат.
Регионысо этапыште финалыш лекше спектакль-влакын видеоштым фестивальын сайтыштыже ончаш лиеш.