Марий Элым Вуйлатыше Ю.Зайцевын темлымыж почеш чумыралтше врачебно-фельдшерский кок бригаде тений августышто Запорожский областьысе Куйбышевский районышко каен. Тушто кугыеҥ-влаклан диспансеризацийым эртарыме. Кок тылзыште 943 еҥын тазалыкшым тергыме.
Тушко медпашаеҥ-влак 1,5 млн утла теҥгеаш эмым наҥгаеныт. Тудын дене ФАП-лаште экстренный да неотложный полышым пуаш, вӱргорно системе черым эмлаш лиеш, участковый врач-влаклан тонометрым, глюкометрым да пульсоксиметрым пуымо. Тыгак медорганизаций-влаклан шкенан дене ыштыме дезинфицироватлыме средствам ойырымо.
Командировко кок тылзе шуйнен. Ик тылзе ыштымеке, ик бригадым весе алмаштен. Кызыт кок бригадыжат Марий Элыш пӧртылын.