Кундемыштына инвалидностян СВО-н ветеранже-шамычлан икымше гана тренажёрым пуэныт.
Спецоперацийыште участвоватлыше, начар тазалыкан ветеран-влаклан тазалыкым пеҥгыдемдаш да тыныс илышыш пӧртылаш полшаш ятыр паша шукталтеш. Ты сомылым вораҥдарымаште «Защитники Отечества» фондын Марий Элысе филиалже кугу пашам шукта. Теве салтак-влаклан у илышлан келыштаралтше, йӧнан тренажёрым ойырат. Тыгай спорт арверын икымше озаже Козьмодемьянск ола гыч ветеран Николай Саватеев лийын.
2022 ийыште Николайым мобилизаций почеш спецоперацийыш колтеныт. 2023 ийыште шошым землякна кугу лӱйкалымашыш логалын. Тунам тудо шке илышыжым арален коден, но машинаже тӱрыснек пытен. Ик тылзе гыч салтак уэш кугу лӱйкалымашыш логалын. Тушто Саватеев йол деч посна кодын.
СВО-н ветеранже-шамычлан илыме условийым саемдыме да йӧнан вургем дене пойдаралтме йодышым социальный координатор-влак рашемдаш полшат. Тидлан инвалидностян ветеран-шамычлан илыме верысе координатор-влак деке лекман. Специалист-влакын палемдымышт почеш, тренажёрым коляскыште шинчыше да ампутант-шамыч налын кертыт.
«Защитники Отечества» фондын Марий Элысе филиалжын сайтше гыч налме фото.