19 февральыште Марий Элым Вуйлатыше Республикысе клинический онкологический диспансерыште лийын. Тушто радионуклидный диагностике отделенийым почмо.
Тудым почаш манын, 2020-2023 ийлаште федеральный да республикысе бюджет да обязательный медицине фонд гыч 110 млн наре теҥгем колтымо. Тышеч 13 млн теҥгеже олмыктымо пашалан каен, а 95 млн теҥгеже – оборудованийлан.
Ты отделенийыште кечеш 12-16 черлым терген кертыт. Тидыже онкологий черым ончылгоч рашемдаш полша. Еҥ-влаклан тыште ОМС полис дене тергымашым яра эрташ йӧн пуалтеш. Кызыт пашам ышташ тӱҥалаш манын, отделений лицензийым вуча.