Йошкар-Олаште да республикысе эше ныл районышто Тазалык кече-влак эртаралтыт, палдара Марий Элысе Тазалыкым аралыме министерстве.
7 декабрьыште Морко районысо рӱдӧ эмлымверыште специалист-влак приёмым эртареныт.
9 декабрьыште Йошкар-Оласе 2-шо №-ан поликлиникыш 8 гыч 14 шагат марте пациент-шамыч терапевт, невролог, гинеколог, эндокринолог, дерматолог, офтальмолог да отоларинголог дек приёмыш миен кертыт, ФЛО-м ыштат.
Звенигово рӱдӧ эмлымверыш врач-влак 11 декабрьыште мият. 8 шагатат 30 минут гыч 13 шагат марте дерматолог, офтальмолог, невролог, акушерке да фельдшер приёмым эртарат. Суслонгер амбулаторийыштат лийыт.
Шернур районысо эмлымверыште 15 декабрьыште 9 гыч 15 шагат марте терапевт, онколог, гинеколог да дерматолог тергаш тӱҥалыт, ФЛО-м ыштат. Специалист-влак Марисола ФАП-шкат мият.
21 декабрьыште Марий Турек рӱдо эмлымверыште 9 гыч 14 шагат марте пациент-влакым терапевт приниматла, ФЛО-м ыштат. Вара Мариец посёлкысо врачебный амбулаторийыште приёмым эртара.
Специалист деке мийыме годым пелен паспортым, полисым да СНИЛС-ым налман.
Интернет гыч налме фото.