7 апрельыште Тазалыкын тӱнямбал кечыже палемдалтеш.
Тидын лӱмеш Марий Элыште Тазалык арня эртаралтеш. Йошкар-Оласе медколледжыште педагог-влаклан тазалыкым аралыме шотышто семинар, научно-практический конференций, тунемше-влаклан проект, видеоролик конкурс, квест-модыш лийыт. 3 да 7 апрельыште «Доверие» рӱдерыште таза илыш-йӱла шотышто мастер-классым эртарат. 7 апрельыште Самырык-влак полатыште куштымаш батлын финалжым ончаш темлат. 8 апрельыште Йошкар-оласе Сеҥымаш паркыште Йӱдвел коштмаш дене гандикап лиеш. Моло тунемме верыштат ятыр мероприятийым эртарат.