11 сентябрьыште Российыште Айык улмо кече палемдалтеш.
Марий Эл Республикысе самырык-влакын политикышт, спорт да туризм министерстве, Марий епархий да Республикысе МВД-н пашаеҥже-влак ты кечылан шуко мероприятийым эртараш палемденыт.
9 шагат гыч 21 шагат марте Инстаграм соцсетьыште фотоконкурс лиеш. Шке лаштыкыштыда #ЖИВИТРЕЗВОМАРИЙЭЛ хэштег дене таза илыш-йÿлам кучаш таратыште фотом лукман. Сеҥыше-влакым кум тӱшкаште палемдат. Нунын лÿмыштым 13 сентябрьыште палемдат.
13.30 гыч 15 шагат марте Йошкар-Ола уремлаште автопробег лиеш. Тӱрлӧ мер ушем-влакын («Время трезвых», «Трезвая Марий Эл», «Дорога для трезвых», «Марий Эл без наркотиков», «Праздник трезвости) флагышт дене шым машина кудал эрта. Удалтарыше семын ГИБДД машина-влак лийыт.
17 шагат гыч 18 шагатат 30 минут марте Йошкар-Олан уремлаштыже чолга самырык еҥ да СМИ-пашаеҥ-влак «Трезвая Марий Эл» флагым кучен, эстафетым эртат. Эстафете Чарла кремльыште тӱҥалеш да туштак мучашлалтеш.