15 ноябрь гыч 1 декабрь марте кундемыштына наркотик ваштареш кучедалме «Бей в набат» акций эрта.
Тудын тӱҥ шонымашыже – наркотик кушко шуктен кертме шотышто палдараш да таза илыш-йӱлам кучаш кумылаҥдаш. Акций годым «Жить. Любить. Верить» форумым эртараш палемдыме. Тушко тӱрлӧ сферыште тыршыше специалист, тунемше ден туныктышо-влак ушнат. Форумым эртараш икмыняр площадкым ойырымо.