«Таврида» образовательный форумын икымше сменыштыже (12-18 июньышто шуйна) Марий Эл гычат самырык-влакат лийыныт.
Василий Таланцев ден Дарья Антропова Гастрономийын арт-школжын участникше улыт. Нуно национальный кочкыш ден йӱыш-влакым ышташ, тыгак ресторанысе бизнесым ворнадараш тунемыныт. Тыште Российысе уста шеф-повар, ресторатор да винодел-влак лийыныт.
Ольга Андреева Ремесла арт-школышто шкем терген. Тушто сӱретче, декоратор, тоштер пашаеҥ-влак лийыныт. Тыгак шун да пу дене модышым, атым ышташ, кружевам пидаш, апшат пашам шукташ туныктеныт.
Тылеч посна авторский муро, калык оркестр да вӱд йымалысе арт-парк ден актуальный литератур арт-школ-влак пашам ыштеныт.