Марий Элым Вуйлатыше Юрий Зайцев Мер палатын пленарный заседанийыштыже лийын.
Тушто кодшо ийысе пашам иктешленыт, тенийлан у сомылым палемденыт.
2023 ийыште Республикын мер палатыже кугу мероприятийым — «Диалог. Общество. Человек» гражданский форумым — эртарен. Каласыман: тидыже — федеральный кӱкшытан событий.
Ю.Зайцев мер пашаеҥ-влакын сайлыме пашаш ушнымыштлан тауштен. А вашлиймаш мучаште Мер палатын еҥже-влаклан 2024 ийыште Россий Президентым сайлымаште мер эскерымаш сомылым виктарымаште тыршымыштлан тауштымашым кучыктен.