Кӱлыт: 400-500 г олма, 3 муно, 90 г сакырложаш, 3 кугу совла ложаш, 10 г ванилин, ушкал ӱл.
Муным миксер дене, шоҥ налмешке, сайын лугыза. Тушко сакырложашым, ванилиным ешарен, ончыч эркынрак, вара эше 10-15 минут наре виянрак лугыза. Тылеч вара шоктымо ложашым, изин-изин ешарен, эркын варыза.
Духовкым 180 градус марте ырыктыза. Формым ушкал ӱй дене йыгыза, тушко изишак кукшо ложашым шавалтыза. Ямде руашын пелыжым формыш опталза, тушко пӱчкеден ямдылыме олмам пыштыза да ӱмбакше кодшо руашым ешарыза. Шарлотко ӱмбалым кодшо олма дене моторын сӧрастарыза да ырыктыме духовкыш 40 минутлан шындыза.