Тамле кол
Кӱлыт: 2 кг кол (хек, минтай), 3 шоган, нӧшмӱӥ, ложаш, специй, шинчал, 400 г ӱмбал, изиш горчице, укроп, 150 г сыр.
Колым мушса, эрыктыза да икмыняр ужашлан пӱчкедыза. Кӱмыжыш ложашым пыштыза, тушко шинчалым, специйым шавалтыза да лугалтыза. Ты вартышыш кол пӱчкыш-влакым пӧрдыктыза да противеньыш пыштыза. Пел оҥгыла пӱчкедыме шоганым салмаште жаритлыза.
Соусым ыштащ тӱҥалза. Ӱмбалыш изиш горчицым пыштыза, тушко муным чӱчыза, тыгыдемдыме укропым да жаритлыме шоганым ешарыза да лугыза.
Тиде соусым кол ӱмбак опталза да тушко нӱжымӧ сырым шавалтыза. Колым 200 градус марте ырыктыме духовкышто йошкар тусым налмеш кӱктыза.