Ковёрышто кодшо тамгам, ӱян палым лимон вӱд дене кораҥдаш сай. Лавыра тамгаш лимон сокым чӱчыктыза да икмыняр шагат кучыза. Вара тушко изиш вӱдым ешарыза. Кошкымеке, ковёрым пылесос дене эрыктен налза.
Свежа тамгам пытараш озанлык шовынат полшен кертеш. Шовыным тёрко гоч колтыза да тудым 1 литр леве вӱдыштӧ шулыктарыза, сайын лугалтыза. Тиде вӱдым пульверизаторыш темыза да тамгаш шыжыктыза. Кошкымекше, пылесос дене эрыктыза.
Содо лавырам сайын кораҥда. Ковёрыш содым шавалтыза, чот лавыран вержым йыгыза. 15-20 минут гыч пылесос дене поген налза.