Шошо толмо дене кундемыштына луман шуршо-влакым ятыр шекланеныт. «Марий чодра» национальный паркын кумдыкыштыжо нуным икымше гана ужыныт.
Тыгай тыгыде шуршо-влак ноябрь гыч апрель марте поснак чулым улыт. Нуно лум йымалне шылын кодшо органикым перерабатыватлат. Госинспектор-влакын палемдымышт почеш, Волжский районысо Нӱлмарий лесничествын кумдыкшым тӱрыснек шуршо-влак авалтеныт.