Специальный военный операцийын 18 участникше – «Герои Марий Эл. Талешке-влак» кадровый программын финалистше-влак – кугыжаныш службышто пашам ышташ тунеммашым эрта.
Ты программын икымше образовательный модульжо кодшо арнян тӱҥалын. Икымше арнян салтак-влак лекцийлаште да команде дене занятийлаште лийыныт. Йошкар-Олан мэрийыштыже, мутлан, регионысо кучем ден верысе самоуправлений орган-влакын пырля пашам ыштымышт нерген занятий эртаралтын. Тудым рӱдолан мэржын сомылжым жаплан шуктышо А.Трудинов шке вӱден.
Тунемме программе пеш поян, садлан пӧръеҥ-нунын яра жапышт укеат, манаш лиеш. А кастене нуным тӱвыра программе вуча. Пӧръеҥ-влак Э.Сапаев лӱмеш Марий опер да балет театрыште органный музыкым колыштыныт. Марий Эл Республикысе Спорт тоштерыштат лийыныт.
«Защитники Отечества» фондын Марий Элысе пӧлкажын архивше гыч налме фото.