Талешке кече вашеш Йошкар-Олаште икмыняр мероприятий эртаралтеш. Тидын нерген Мер Каҥаш ушештара.
25 апрельыште 10 шагатлан В.М.Васильев лӱмеш МарНИИЯЛИ-ште Ӱпымарий лудмаш эртаралтеш.
26 апрельыште
7 шагат эрдене С.Г. Чавайнлан памятник воктене (Чавайн бульварыште) «Талешке сорта» мероприятий тӱҥалеш. Вара пеледышым палыме марий еҥвлакын памятникышт, оҥашт воктек пышташ каят.
16 шагатлан М.Шкетан лӱмеш Марий драмтеатрыште марий поэт-новатор Валентин Колумбын шочмыжлан 90 ий теммылан пӧлеклалтше концерт лиеш.