Краснодарский край Новомихайловский посёлкышто верланыше «Орлёнок» йоча рӱдерыште спортивный туризмын йолын коштмо дистанцийыштыже Российын чемпионатше эртен.
Тушко элнан 30 регионжо гыч 180 спортсмен ушнен. Марий Элын спортсменже-шамыч шӧртньӧ да ший медаль-влакым сеҥен налыныт. Кӱчык дистанцийым тӱшка эртымаште Р.Урдяков ден Г.Дмитриев кокымшо лийыныт, 5-ше классан кужу дистанцийым группо дене эртымаште Р.Урдяков, Г.Дмитриев, К.Рожков, И.Дмитриев тыгак кокымшо вер дене палемдалтыныт, а личный таҥасымаште К.Рожков икымше толын.