Йошкар-Олашке Таджикистанысе В.Маяковский лӱмеш кугыжаныш руш драмтеатрын коллективше толын. «Большие гастроли» программе почеш ты театр шукерте огыл Киров олаште лийын, «Тартюф» ден «Гамлет» спектакль-влакым ончыктен.
Нине постановко-влакым таче (14.10.) да эрла (15.10.) Г.Константинов лӱмеш академический руш драмтеатрын сценыштыже ончен кертыда. Спектакль-влак 17:00 шагатлан тӱҥалыт.