Марий Элыште «Билет в Будущее» проект илышыш шыҥдаралтеш. 6-11-ше класслаште тунемше-влак, ссузлашке миен, пашазе профессийла дене палыме лийыт.
Теве 11 ноябрьыште Марий радиомеханический техникумын пашаеҥже-влак Йошкар-Оласе А.С.Пушкин лӱмеш 14-ше №-ан гимназийыште 9-ше классыште тунемше-влакым «Оператор токарных станков ЧПУ» профессий дене палдареныт. Йоча-влак ЧПУ станокышто программым ямдыленыт, деталь-влакым проектироватленыт да обработатленыт.
А Советский район Солнечный школышто 8-ше классыште тунемше-влак «Монтажник радиоэлектронной аппаратуры и приборов» специальность дене палыме лийыныт, радиоэлемент дене пашам ыштен онченыт.
Техникумын ВК-се тӱшкаж гыч налме фото.