Йошкар-Олаште 14-15 декабрьыште «Тӱвыраште у» форум эрта.
Тӱвыра, тоштер, сымыктыш, книгагудо, СМИ да моло пашаеҥ-влак 8 кугу площадкыште пашам ыштат. Тушто икте-весе дене вашлийын, тӱрлӧ йодыш шотышто каҥашаш, эксперт-влакым колышташ лиеш. Форумышто национальный политике шотыштат мутланаш тӱҥалыт.
Форум Йошкар-Олаште, Марий кугыжаныш филармонийыште почылтын. Марий Эл вуйлатыше Юрий Зайцевын лӱмжӧ дене погынышо-влакым республикысе правительстве председательын икымше алмаштышыже Михаил Васютин саламлен. Тыгак Марий Элын тӱвыра печать да калык-влакын пашашт шотышто министр Константин Иванов, «Российысе калык-влакын пӧртышт» федеральный кугыжаныш тӧнеж (Москва) директорын алмаштышыже Михаил Мишин саламленыт, форумышто тӱвыргӧ лектыш дене пашам ышташ темленыт.
Утларак увер ден фотом тыште верештыда
https://vk.com/album-179515425_289484710