Тӱвыра пашаеҥ-влак инклюзий дене шинчымашыштым тергат

Фотом вейделевкакультура.рф сайт гыч налме.

«Доступная среда в сфере культуры» тотальный тест —  тӱвыра пашаеҥ-влакын кечышт вашеш кажне ийын эртаралтше Российысе акций. Тиде акций 25 мартыште тӱҥалеш.

Инклюзиян еҥлан тоштерлаште, театрлаште, тӱвыра училище ден школлаште, тыгак историй дене кылдалтше верлаште мероприятий-влакым эртарыме темылан  тӱткышым ойырат.

Тестым возаш ончылгоч ссылке дене регистрацийым эртыман:  www.total-test.ru.

Тестированийым 31 март марте эрташ лиеш. Тудо кок ужаш гыч шога: 50 йодыш кугыеҥ-влаклан да 20 йодыш — йоча-влаклан. Мучаште чылалан  сертификатым пуат.

Мероприятийым «Калык фронт» мер толкын да  «АУРА-Тех» калыкле ассоциаций эртараш полшат.