1 сентябрь гыч Российыште «Пушкин карте» тӱвыра программе илышыш
шыҥдаралтеш. Тудлан кӧра 14-22 ияш ӱдыр-рвезе-влак кугыжаныш кӱшеш тӱвыра тӧнежлашке, мероприятийлаш яра коштын кертыт. Пушкин картыш кугыжаныш 3000 теҥгем колта, тудым идалык мучаш марте кучылт шуктыман, а 2022 ий 1 январьыште кугыжаныш картыш 5000 теҥгем колта.
ПУШКИН КАРТЫМ ОФОРМИТЛЫМЕ РАДАМ
1. «Госуслуги» порталыште учётный запись лийшаш. Уке гын, регистрацийым эртыман, ва-
ра пеҥгыдемдыман. Тидым ышташ икмыняр йӧн темлалтеш. Кумданрак «Госуслуги» порталыште «Частые вопросы» ужашыште лудса.
2. Вара телефоныш «Госуслуги. Культура» мобильный приложенийым шындыза, тушко пурыза. Тидлан «Госуслугин» логин ден парольжым кучылтса.
3. Пушкин картым лукмым пеҥгыдемдаш йодыт. Тидым ыштымеке, виртуальный форматыште лӱман картын озаже лийыда. Тушко 3000 теҥгем пыштат. Оксам тӱвыра мероприятийлан гына кучылташ лиеш. Виртуальный карте «Счёт» вкладкыште ончыкталтеш.
4. Пластик Пушкин картым Почто Банкын кеч-могай отделенийыштыже налаш лиеш. Тидлан паспортым але СНИЛС-ым ончыктыман.
5. Ынде мероприятий-влакым ойыраш лиеш. «Госуслуги.Культура» приложенийыште але Культура.РФ сайтыште мероприятий-влак списке уло.
6. Билетым налаш лиеш! Тидым онлайн йӧн дене ыштен кертыда. Ойырымо мероприятий-
ыш билет электрон почтыш толеш. А пластик карте дене келшыше мероприятийыш билетым организаторын кассыштыжак налаш лиеш.
Пушкин карте дене билетым карте оза гына налын кертеш. Билетым вес еҥлан пуаш огеш лий – мероприятийыш пурымаште личностьым пеҥгыдемдыше документым йодыт.
2021 ий 31 декабрь марте оксам кучылт пытарен огыда шукто гын, тудо вес ийыш огеш кусно, «йӱла». Но 2022 ий 1 январь гыч 5000 теҥгем пыштат.
Пушкин карте дене Россий мучко кеч-могай олаште тӱвыра мероприятийыш пурен кертыда.
Пушкин карте гыч оксам сниматлаш огеш лий.
Виртуальный карте ик ийлан ышталтеш, вара тудым автоматически угыч луктыт. А те пластик карте дене пайдаланеда гын, тудым угыч ышташ манын, картым лукшо банкын офисышкыже кайыман.
Ирина ЗОЛОТАРЁВА.