Теҥгече кастене пожар Сосновый бор посёлко гыч Студенка ялыш корно гоч вончен. Тушто икмыняр оралте йӱлен, илыме пӧрт-влак аралалт кодыныт.
Шап ер воктен верланыше йоча кеҥеж лагерь да санаторий-шамыч гыч каныше-влакым эвакуироватленыт.
Кызыт , тӱҥ шотышто, тул ылыжмым йӧртымӧ. Туге гынат лӱдыкшӧ: синоптик-влакын увертарымышт почеш, таче республикыште 36 градус марте шокшо лиеш.