Тӱткӧ лийза!

Волжск олаште илыше 42 ияш пӧръеҥ газовый оборудованийым вашталташ шонен да мастер дене кутырен келшен. Икмыняр жап гыч тудлан ик мессенджерыште палыдыме еҥ «Горгаз» пашаеҥ лӱм дене возен колтен. Оборудованийым вашталташ манын, пӧръеҥ деч смс дене толшо кодым каласаш йодын.

Тыгак ыштымеке, «Росфинмониторинг» пашаеҥ лӱм дене йыҥгыртеныт да пӧръеҥ кодым мошенник-шамычлан каласен, ынде тудын счётшо гыч оксам шолыштын кертыт манын палдарен. Тидым чактараш оксам «лӱдыкшыдымӧ счётыш» колташ темленыт. Тыгак ыштымеке, пӧръеҥ 940 тӱжем теҥге деч посна кодын, палдара Марий Элысе МВД.

Газовый службо гыч мастер толмеке веле пӧръеҥ ондалалтмыж нерген умылен.