4 декабрьыште Марий аварийно-утарыше службын (МАСС) пультышкыжо йыҥгыр пурен. Йошкар-Оласе Пархоменко уремысе кудывечыште 8 ияш йочан курык гыч мунчалтен волымыж годым кидше оҥа коклаште пижын.
МАСС-ын пашаеҥже-влак гидравлический инструмент полшымо дене йочан кидшым лукын кертыныт. Ача-ава-влак, икшыве-влаклан лӱдыкшыдымылык правил-влакым ушештарен шогыза. Туткарыш логалме годым мом ышташ, кузе лияш – палдарыза.