Йошкар-Ола округын администрацийже оласе туныктымо тӧнежлаште окна-влакым вашталташ 24 млн наре теҥгем ойыра.
Ты паша муниципальный тӧнежлаште энергоэффективностьым кугемдыме шотышто кугу программын ужашыжлан шотлалтеш. Тений 40 йочасадыште, 20 школышто да ешартыш шинчымашым пуышо ик организацийыште тошто тӧрзам пластик окналан вашталтышаш улыт. Тыге зданийлаште шокшо лиеш, да коммунальный роскотат иземеш.